Misli premyer-liqasında 10-cu tur davam edir.

Football-plus.az xəbər verir ki, tarixi Azərbaycan derbisində "Kəpəz" "Neftçi" ilə qarşılaşır. İkinci hissəsi davam edən matçın 61-ci dəqiqəsində qalmaqal yaşanıb. Qaydanı pozan Kenni Sayef topu rəqibə vermək istəməyib. Belə olan halda amerikalı ilə gəncəlilərin futbolçusu Zamiq Əliyev arasında mübahisə yaranıb. Gənc oyunçu "Neftçi"nin legionerinə yüngül kəllə zərbəsi endirib. Bundan sonra meydanda olan bütün futbolçular hadisə yerinə axışıb. Vəziyyəti ələ alan oyunun baş hakimi Tural Qurbanov Əliyevə qırmızı, Sayefə sarı vərəqə göstərib.