Morant yenə tapança göstərdi...
“Memfis”in oyun qurucusu Ca Morant yenidən sosial şəbəkələrdə silah nümayiş etdirib.
Ötən dəfə olduğu kimi, ulduz basketbolçu yenə də sosial şəbəkədə strim zamanı tapança yelləyib.
"Football-plus.az" xəbər verir ki, “Qrizzlis” artıq oyunçusunu qeyri-müəyyən müddətə heyətdən kənarlaşdırıb.
İnsayder Edrian Voynarovski bildirir ki, Morant növbəti mövsüm uzun müddətə diskvalifikasiya oluna bilər:
“Morant iki ay ərzində silahla bağlı ikinci qalmaqaldan sonra uzunmüddətli cəzalanmaq təhlükəsi ilə üzləşib. MBA komissarı liqada yarışan başqa komandaların ciddi təzyiqi altındadı.
Onlar belə hesab edirlər ki, bu hadisə təkcə “Memfis”ə yox, başqa komandalara da təsir göstərəcək. Liqa videonun gerçək olub-olmadığını aydınlaşdırmaq üçün təhqiqat aparır. Ca Morantın əlindəkinin əsl silah oilduğu aydınlaşarsa, böyük ehtimalla o, ciddi cəzadan qaça bilməyəcək".
Onlar belə hesab edirlər ki, bu hadisə təkcə “Memfis”ə yox, başqa komandalara da təsir göstərəcək. Liqa videonun gerçək olub-olmadığını aydınlaşdırmaq üçün təhqiqat aparır. Ca Morantın əlindəkinin əsl silah oilduğu aydınlaşarsa, böyük ehtimalla o, ciddi cəzadan qaça bilməyəcək".
Morant artıq sosial şəbəkə hesabında sonuncu qalmaqalla bağlı açıqlama yayıb:
“Mənə dəstək verən adamları məyus etdiyimi bilirəm. Öz üzərimdə ciddi işləməli olduğumu anlayıram. Bəlkə də sözlərimin indi elə böyük önəmi yoxdu. Ancaq hərəkətlərimə görə məsuliyyəti bütünlüklə öz üzərimə götürürəm. Öz üzərimdə işləməkdə davam edəcəm”.
Xatırladaq ki, Morant martda da sosial şəbəkədə odlu silah nümayiş etdirmiş və buna görə 8 oyunluq cəzalanmışdı. Ulduz basketbolçu mövsümün sonunda bu üzdən rəmzi yığmaların heyətinə düşmədi və müqavilə üzrə nəzərdə tutulan 38 milyon dollardan məhrum oldu.
Digər xəbərlər
