“Demək olar ki, böyük dəyişiklik yoxdu. Özünüz də heyətə baxanda eyni futbolçularla davam etdiyimizi görə bilərsiz. Sadəcə, bəzi oyunçuların mövqeyini dəyişdim, komandaya motivasiya verdim. Komanda “qara zolağ”a düşdüyündən futbolçularda özünəinam azalmışdı. Sanki hər matça məğlub durumda çıxırdılar.

Belə deyək, kollektiv psixoloji cəhətdən “sınmışdı”. İşə başlayan ilk gündən əsas işim özgüvəni qaytarmaq oldu. Ayrılıqda hər biri ilə fərdi söhbət etməklə özlərinə inanmalarını istədim. Bundan sonra məşqlərdə necə can yandırdıqlarını gördüm. Bunun nəticəsidi ki, ardıcıl iki oyunda qalib gəlməklə sonuncu pilləni tərk etdik”.