Joze Mourinyo mövsümün sonunda “Roma”nı tərk edə bilər. Artıq onun İtaliyadan ayrılmaq ehtimalı 50 faizdən yuxarı dəyərləndirilir.

"Football-plus.az" xəbər verir ki, PSJ romalıların baş məşqçisi ilə danışıq aparır. “RMC Sport”un məlumatına görə, Fransa klubunun idman müşaviri Luiş Kampuş bu yay onunla mümkün müqavilə bağlamaq barədə məsələləri portuqaliyalı məşqçinin agenti Jorje Mendeş ilə müzakirə edib. Danışıqlar ilkin mərhələdədi. Mourinyo yaxşı anlayır ki, “Roma”da daha ciddi uğur əldə etmək onun üçün çətin olacaq. O, İtaliya klubunu bir neçə komanda, o cümlədən PSJ və “Real” üçün tərk etməyə hazırdı.

60 yaşlı mütəxəssis Kampuşun sevimlisidi, onlar bir-birini çoxdan tanıyırlar. Eyni zamanda bu yaxınlarda öz aralarında Tyaqo Motta və Yulian Naqelsmannın təyinatını müzakirə edən PSJ-nin qətərli həmsahiblərinin Mourinyo haqqında nə düşündükləri hələ məlum deyil.