“Oğlum qol vurduqda və xüsusilə də bu, qələbə qolu olduqda ya yerimdə donub qalıram, ya da sevincimdən tullanıram. Hər şey həmin andakı əhval-ruhiyyəmdən asılıdı. Kaş hər valideyn belə sevinc yaşaya. Hər yay çox ciddi transfer təklifləri alırıq. Təbii ki, sizə bütün detalları açıqlaya bilmərəm. Attila hazırda bütün diqqətini yalnız “Fənərbaxça”ya yönəldib. Çünki çempionluq şansları davam edir. “Fənər”lə müqaviləsinin müddətinin bitməsinə hələ 2 il var. Attila üçün nə qədər məbləğ tələb olunacağı sırf “Fənərbaxça”dan asılıdı. Amma məsələn, 20 milyon avro tələb etsələr, onun satışı ilə bağlı problem yaşaya bilərlər. Çünki oğlum hücum oyunçusu deyil, müdafiəçidi. Bizi heç vaxt məsələnin maliyyə tərəfi maraqlandırmayıb. Transfer təklifi alanda ilk növbədə o klubun sənə qarşı münasibəti və sənin o kluba olan marağın nəzər alınmalıdı. Hər iki tərəf bir-birinə qarşı istəksizdisə, transferin baş tutması məqsədəuyğun deyil. Attilanın potensialı böyükdü və bir çox klubda forma geyə bilər. Amma şəxsi fikrim belədi ki, onun “Fənərbaxça”dan sonra birbaşa “Bavariya” və ya Dortmund “Borussiya”sına yollanması düzgün olmaz. Bunun əvəzində daimi oyun praktikasına malik olacağı və özünü inkişaf etdirə biləcəyi bir klubda oynamalıdı. Bu klub premyer-liqa və ya bundesliqada ortabab sayılsa belə”.