“Baş məşqçimizin təklifi subyektiv fikirdi, hörmətlə yanaşırıq. Biz də istəyərək ki, komandaların sayı çox olsun. Bu, Azərbaycanda futzalın inkişafını istəyən hər kəsin arzusudu. Məsələn, U-17 komandasını yaradarkən məqsədimiz bəlli idi. U-19-un heyəti üçün sıfırdan yox, müəyyən təcrübəsi olan futzalçılar təqdim etmək istəyirdik. Çünki onlar beynəlxalq yarışlarda müntəzəm iştirak edir. Beləliklə, İcraiyyə Komitəsinin yığıncağında müzakirə apardıq, mütəxəssisləri dinlədik. Yekdil qərarla AFFA qarşısında məsələ qaldıraraq yeni komanda qurduq. Futzal Federasiyasının prezidenti Zaur Axundov da dəstəyini əsirgəmədi. U-21 millisinin yaradılmasına gəlincə, ötən il U-19-un şərəfini qoruyan 8 oyunçu yüksək liqada çıxış edən “Baku Fire”, “Neftçi” İK və “Araz-Naxçıvan” kimi klubların heyətindədi. Hansı komandalar gəncləşdirmə strategiyasına üstünlük verrsə, püxtələşmiş futzalçılara müraciət edir. Xülasə U-21, hətta U-13, U-15 yığmalarının belə yaradılmasına qarşı deyilik. Lakin buna imkanımız yoxdu. Mövcud şəraitə uyğun davranmağa məcburuq. Hələ ki ən optimal variant U-17-nin yaradılması idi ki, bunu da dəyərləndirdik”.