''Fənərbaxça''da ən sabit futbol sərgiləyən oyunçulardan olan və fanatlar tərəfindən çox sevilən Fərdi Kadıoğlu ilə bağlı maraqlı məlumat var.
"Football-plus.az" xəbər verir ki, universallığı ilə seçilən 23 yaşlı oyunçu 3 sarı vərəqəsi ola-ola artıq 18 oyundu cəzalı duruma düşmür!
Bu baxımdan o, Pyer van Hoydonka məxsus rekordu təkrarlaya bilər. Fərdi bu mövsüm 1-ci turda ''Ümraniyəspor'' (3:3), 2-ci turda ''Kasımpaşa'' (6:0) və 5-ci turda ''Kayserispor''la (5:0) oyunlarda sarı vərəqə almışdı. Türkiyə çempionatında qaydalara görə futbolçu 4-cü sarı vərəqədən sonra cəzalı duruma düşür. Yəni Fərdi 5-ci turdan bu yana baş tutan 19 qarşılaşmanın 18-də meydanda olub və bunların heç birində sarı vərəqə almayıb!
Bu qəribə göstəricidə klub rekordu Van Hooydonka məxsusdu. ''Fənər'' tarixində iz buraxan oyunçulardan olan Van Hooydonk 2003/04 mövsümündə 3-cü sarı vərəqəsini 10-cu turda ''Adanaspor''la qarşılaşmada almışdı. Həmin mövsüm bütün qarşılaşmalarda forma geyən və vurduğu önəmli qollarla komandasına həyat verən Van Hooydonk qalan oyunlarda sarı vərəqə almadı. Yəni o, 24 tur cəza almaq limitində oynadı. O tarixi mövsümdə ''Fənər'' ilk dövrəni ''Beşiktaş''dan 8 xal geridə bitirsə də, çempion olmağı bacarmışdı. Van Hooydonk 24 qolla həmin çempionluğa töhfə vermişdi.
ƏLİ