Dünən 1-ci divizionda baş tutan "Səbail-2" - "İmişli" oyununda qəribə hadisə baş verib.

Qarşılaşmanın 90+3 dəqiqəsində qonaqların futbolçusu Museyib Vəlizadə zədələnərək yerdə qalıb. Sosial şəbəkələrdə və bəzi idman saytlarında tirajlanan xəbərlərə inansaq, oyunçu xəsarət alandan sonra ona həkim tərəfindən ilkin yardım göstərilməyib, hətta hakimin final fitindən sonra stadiondan 2 azarkeşin köməyi ilə xəstəxanaya aparılıb.

"Football-plus.az” saytı olaraq xəsarət alan Museyib Vəlizadə ilə əlaqə saxladıq. Onun söylədikləri belə oldu:

"Rəqibin 2-ci qol epizodu zamanı dirəyə dəyərək zədə aldım. Dərhal da komandamızın həkimi özünü çatdıraraq ilknin yardım etdi. Azarkeşlər arasından köməyə gələnlər zədəli və cəzalı komanda yoldaşlarım İlkin Əliyevlə Tərlan Veysəlli idi. İmişliyə qayıdarkən yolda öyrəndik ki, bilib-bilmədən haqqımızda ağızlarına gələni yazıblar".

ABDULLA İSMAYILOĞLU