“Hər iki futbolçu U-19 liqasında çıxış edir. Ailələri ilə birlikdə 2 ildən artıqdı ki, ölkəmizdə məskunlaşıblar. Sadəcə, şəxsiyyət vəsiqələrini yenilədikdən sonra öncəki məlumatları özlərində saxlamayıblar. AFFA qanuna uyğun olaraq, qısa müddətdə sənədləri təqdim etməyimizi tələb etdi. Biz bu barədə dövlət qurumlarına müraciət edib arxivləri istədik. Təəssüf ki, iclas keçirilən tarixə qədər həmin sənədləri almaq mümkün olmadı. İntizam Komitəsinin qərarı düzgün və ədalətlidi.

Qeyd edim ki, hadisələr “Çinar” klubunun şikayəti əsasında baş verib. Bizə qalib gəlsəydilər, yəqin ki, bunlar yaşanmayacaqdı. Çünki əsas hədəf lider kimi finala birbaşa vəsiqə qazanmaqdı. Bu alınmasa, Qusar təmsilçisi “Şirvanovka” ilə qarşılaşmalı olacaqdılar. Hər halda, rəqiblə mübarizədən çəkindikləri üçün belə addım atdılar”.