Ayven Tounini ciddi cəza gözləyir.

"Football-plus.az" xəbər verir ki, “Brentford”un hücumçusunun çıxışına azı cari mövsümün sonuna kimi qadağa qoyula bilər.

“Daily Mail” qəzetinin yaydığı xəbərdə ingilis futbolçunun bukmeker kontorlarında pul qoyuluşu etdiyini boynuna aldığı bildirilir.

Xatırladaq ki, İngiltərə Futbol Assosiasiyası (İFA) ötən ilin noyabrında onu 2017-ci il fevralın 25-dən 2021-ci il yanvarın 23-dək bu məsələ ilə bağlı reqlamenti 232 dəfə pozmaqda ittiham etmişdi. Dekabrda Touni daha 30 qayda pozuntusu ilə bağlı ittiham olunmuşdu. Artıq 26 yaşlı oyunçunun 262 ittihamdan çoxunu qəbul etdiyi bildirilir.

İFA-nın Toni ilə bağlı qərarını tezliklə açıqlayacağı gözlənilir. Bu mövsüm premyer-liqada meydana çıxdığı 21 matda 14 qol vurub 3 məhsuldar ötürmə edən hücumçunu bir neçə aylıq cəza gözləyir. “Daily Mail” futbolçu ilə klub rəhbərliyinin artıq belə aqibətlə barışdığını yazıb.

Səbəb diskvalifikasiyanın bir hissəsinin mövsümlərarası dövrü əhatə edəcəyi ilə bağlıdı.