''Titullar bizi harınlaşdırdı'' - Van Diyk
''Liverpul''un kapitanı və aparıcı müdafiəçisi Vircil van Diyk İngiltərə mətbuatına açıqlamalar verib.
"Football-plus.az" xəbər verir ki, ''qırmızılar'' Yürgen Kloppun dönəmində ən zəif mövsümü keçirirlər.
Komanda 23 tura cəmi 36 xal toplamaqla 7-ci pillədə qərarlaşıb. 4-cü pillə ilə xal fərqi 9-a bərabərdi. Bir çoxlarının fikrinə görə Kloppun parlaq dönəmi bitib və məşqçi artıq istefa verməlidi. Van Diykin sözlərinə görə ''Liverpul''un son illərdə qazandığı titullar oyunçuları sanki harınlaşdırıb:
''Bu mövsüm üçün yeganə hədəfimiz ilk ''4-lüy''ə düşüb ÇL-ə vəsiqə qazanmaqdı. Gələn mövsüm də bu turnirdə olmaq istəyirəm. Açığı son illərdə qazandığımız uğurlardan və titullardan sonra sanki harınlamışıq. Biz həqiqətən də mümkün olan bütün kuboklara sahib çıxdıq. Ötən mövsüm son ana qədər premyer-liqada çempionluq uğrunda mübarizə apardıq. Ölkə kubokunu və liqa kubokunu qazandıq. Ona görə də cari mövsümü bu dərəcədə zəif keçirmək bizim hər birimiz üçün əsil şokdu''.
Futbol tarixinin ən bahalı müdafiəçisi olan və 2018-in yanvarında 84 milyon avroya ''Liverpul''a transfer olunan Van Diykin indiki dəyəri 50 milyon avrodu. O, indiyə qədər mersisaydlıların heyətində 208 rəsmi oyunda 18 qol, 11 məhsuldar ötürməlik performans sərgiləyib və 7 titul qazanıb.
Digər xəbərlər
