“Qurban Qurbanov və komandası qazandığı nəticələrlə hamımızı uğura alışdırıb. Bu səbəbdən onlara inam çox böyükdü. Bakıdakı ilk görüş də göstərdi ki, Belçika təmsilçisi olmasına baxmayaraq, “Gent”lə oynamaq mümkündü. İkinci yarıda gördüyümüz “Qarabağ” həmin oyunu səfərdə də davam etdirməli, öz sisteminə sadiq qalmalıdı. Tələskənliyə yol vermək olmaz. “Gent” isə öz meydanında oyndığından erkən qol vurmağa çalışacaq. Bundan istifadə etmək lazımdı. Tələskənliyə yol verməsək, fərdi səhvlər olmasa, uğurlu nəticə qazanmaq mümkündü. Belçika klubu 90 dəqiqə ərzində səhv edəcək, müdafiədə boşluq verəcək. “Qarabağ”ın səfərdən qələbə ilə dönəcəyinə inanıram. Fikrimcə, Qurban Qurbanovun komandası 2:1 hesabı ilə qalib gələcək”.