Həftəsonu Region Liqasında növbəti turun oyunları keçirilib. Təəssüf ki, hesabat turunda da bəzi regionlarda təxirəsalmalar qeydə alınıb.

Cənub regionu

Neftçalada keçirilən matçda qalib müəyyənləşməyib. Bölgənin eyniadlı komandası ilə “Xəzər Lənkəran 42” arasında baş tutan görüş qolsuz bitib. “Lerik” qrupun autsayderi “Ərkivan”ı qonaq edib. Masallı komandası mövsümdə ilk xalını qazanmağa yaxın olsa da, 90 dəqiqənin tamamında meydan sahibləri qalib gəlib. Cəlilabada keçirilən oyun isə yarımçıq qalıb. Azarkeşlərin hakimə təzyiqi səbəbindən ədalət təmsilçisi 2-ci hissəyə çıxmaqdan imtina edib.
Neftçala – Xəzər Lənkəran 42 0:0
Lerik – Ərkivan (Masallı) 3:2
1. Xəzər Lənkəran 42 7 4 2 1 16-7 14
2. Lerik 7 4 1 2 13-9 13
3. Qobustan 6 3 1 2 10-6 10
4. Zəfər 44 6 2 3 1 13-7 9
5. Neftçala 7 2 3 2 7-7 9
6. Ərkivan 7 0 0 7 6-29 0
Bombardirlər: Zaur Nuruzadə (Lerik), Mirəli İsmayılov (Xəzər Lənkəran 42), Röyal Nəcəfov (Xəzər Lənkəran 42) – 4.
Mərkəz regionu

“Füzuli”nin qələbə yürüşü davam edir. Vasif İsmayılovun çalışdırdığı kollektiv “Ağsu Siti”ni 3 cavabsız qolla məğlub etməklə mövsümdə 7-ci qələbəsini əldə edib. Yeri gəlmişkən, Füzuli təmsilçisi nəinki çıxış etdiyi regionda, ümumiyyətlə, liqada xal itirməyən yeganə komandadı. Ağsuda keçirilən görüşdə azarkeşlər 6 qol izləsələr də, qalib müəyyənləşməyib. “Ağsu-06”nın qonağı olan “İsmayıllı” evə 1 xalla dönüb. Saatlıda baş tutan görüşdə isə yerli azarkeşlər komandalarının qələbəsinə şahidlik edibr. “Araz” “Ərgünəş”dən 3 xal almağı bacarıb. Bu qələbə saatlıları qrupda ikinci pilləyə yüksəldib.
Füzuli – Ağsu Siti 3:0
Ağsu-06 – İsmayıllı 3:3
Araz (Saatlı) – Ərgünəş 3:2
1. Füzuli 7 7 0 0 35-6 21
2. Araz 7 4 0 3 14-16 12
3. Ağsu-06 7 3 2 2 16-18 11
4. İsmayıllı 7 2 2 3 10-14 8
5. Ağsu Siti 7 2 0 5 5-14 6
6. Ərgünəş 7 1 0 6 6-18 3
Bombardirlər: Tural Qürbətov (Füzuli) – 10, Məhəmməd Alıyev (Füzuli) – 8, Cəsur Hüseynov (Füzuli) – 6.

Paytaxt regionu
A qrupu
Turnir cədvəlində qonşu pilllələrdə qərarlaşan komandaların oyunu hər nə qədər gözlənilməz olsa da, darmadağınla başa çatıb. “Dirçəliş” “Mübariz”in qapısından 8 cavabsız qol keçirib. Qış fasiləsindən sonra yüksəlişdə olan “Şirvanovka” evdə “Rekord”u məğlub etməklə liderliyə yüksəlib. Onu da qeyd edək ki, bu, carı mövsümdə “Rekord”un ikinci məğlubiyyətidi. Əvvəlki 8 qarşılaşmanın hamısında uduzan “Bakı Atletik” yenə ənənəsinə sadiq qalıb. Komanda bu dəfə “Gəncliy”in qarşısında aciz qalıb.
Dirçəliş – Mübariz 8:0
Şirvanovka (Qusar) – Rekord 2:0
Bakı Atletik – Gənclik 0:6
1. Şirvanovka 10 7 2 1 26-3 23
2. Qusar 9 7 1 1 44-5 22
3. Rekord 9 7 0 2 40-4 21
4. Dirçəliş 9 3 2 4 19-16 11
5. Gənclik 10 3 2 5 15-36 11
6. Mübariz 10 2 1 7 27-44 7
7. Bakı Atletik 9 0 0 9 4-67 0
Bombardirlər: Cəfər Şahməmmədov (Mübariz) – 20, Sərxan Ağayev (Qusar) – 19, Rəhim Nağıyev (Rekord) – 12, Habil Nurəhmədov (Şirvanovka) –10.

B qrupu

Ötən tur mövsümdə ilk yenilgisini alan “Difai”, deyəsən, məğlubiyyətdən dərs çıxarmağı bacarıb. “Qazilər” “İrəvan”ı meydana çıxmağa peşman edib. Lider “Çinar-Zəngilan” isə “Lokomotiv”in altını üstünə çevirib. İCBFA da turu 3 xalla başa vurub. “Cürət” çox çalışsa da, məğlubiyyətdən qaça bilməyib.
İrəvan – Difai 0:8
Çinar-Zəngilan – Lokomotiv 9:1
İCBFA – Cürət 2:1
1. Çinar-Zəngilan 10 9 0 1 54-10 27
2. Difai 10 9 0 1 61-13 27
3. Cəbrayıl 9 4 2 3 26-19 14
4. İCBFA 10 4 2 4 21-27 14
5. Lokomotiv 8 1 1 6 18-43 4
6. Cürət 9 1 1 7 21-44 4
7. İrəvan 8 1 0 7 10-54 3
Bombardirlər: Eşqin Tağıyev (Difai) – 22, Sergey Markelov (Çinar-Zəngilan) – 17, Elmin Əskərli (Çinar-Zəngilan) – 10.
Şimal-Qərb regionu

Bu regionda cəmi iki qarşılaşma baş tutub. Şəkidə keçirilməli olan iki matç (Marxal – Göygöl, Şəki – Ağstafa) əlverişsiz havaya görə təxirə salınıb. Qazaxda isə “Göyəzən” “Karvan”ı qonaq edib. Fasilədən sonra o qədər də xoş təsir bağışlamayan yevlaxlılar ölkənin ən qərb bölgəsində də qələbəyə həsrət qalıb. Görüş qolsuz başa çatıb. Son turlarda inamlı təsir bağışlayan “Qala” turdan-tura liderlərə yaxınlaşır. Şəmkir təmsilçisi hesabat turunda “VT Gəncə”ni evə əliboş yola salıb.
Göyəzən (Qazax) – Karvan (Yevlax) 0:0
Qala (Şəmkir) - VT Gəncə 5:1
1. Marxal 10 9 0 1 43-6 27
2. Karvan 11 7 3 1 29-7 24
3. Qala 11 6 2 3 31-17 20
4. Göygöl 10 5 2 3 38-13 17
5. Ağstafa 10 4 2 4 29-30 14
6. Göyəzən 11 3 4 4 28-25 13
7. VT Gəncə 11 1 1 9 21-54 4
8. Şəki 10 0 0 10 7-74 0
Bombardirlər: Arzuman Vəliyev (Göyəzən) – 15, Ravil Yusifli (Marxal) – 15, Ceyhun Rəcəbli (Marxal) – 13, Bəşir Qarayev (Qala) – 10.

RƏŞAD