Beynəlxalq Futbol Tarixi və Statistikası Federasiyası (BFTSF) daha iki nominasiyanın qalibini elan edib. Avropa üzrə 2022-ci ilin ən yaxşı qadın və gənc qadın futbolçusunun adı açıqlanıb.

Qurumun saytının yaydığı xəbərə görə, ötən ilin ən yaxşı qadın futbolçusu adına İspaniya millisinin və “Barselona”nın kapitanı Aleksiya Putelyas layiq görülüb. Avropada ilin ən yaxşı gənc qadın futbolçusu isə Almaniya millisinin və “Volfsburq”un 20 yaşlı yarımmüdafiəçisi Jül Brand olub.
Qeyd edək ki, 29 yaşlı yarımmüdafiəçi Putelyas 2012-ci ildən “Barselona”nın və İspaniya millisinin formasını geyir. Brand isə 2021-ci ildən Almaniya yığmasında, 2022-ci ildən isə “Volfsburq”da çıxış edir.