“Tuluza” ilə oyunda Messi 2017/18 mövsümünün startından bəri cərimə meydançasının xaricindən vurduğu qolların sayını 39-a çatdırdı.

Football-plus.az xəbər verir ki, o, bu göstəricidə “böyük beşlik” ölkələrində çıxış edən futbolçular arasında liderdi. 2-ci yerdə “Mançester Siti”nin xavbeki De Bruyne qərarlaşıb (19).

Bundan əlavə, Messi karyerasında 13-cü dəfə bir mövsümdə 10 qol + 10 ötürmə həddinə çatdı. 35 yaşlı hücumçu 2019/20 mövsümündən bəri bunu ilk dəfə bacardı. Onda “Barsa” forması geyən argentinalı 25 qol vurmuş, 23 məhsuldar ötürmə vermişdi.

Yeri gəlmişkən, Messi indiyə qədər qarşılaşdığı 113 klubdan 96-nın qapısına yol tapıb. Cari mövsümdə PSJ-nin heyətində bütün turnirlərdə keçirdiyi 23 oyunda 14 qol və 14 ötürmə ilə yadda qalıb.