"Sportinfo.az saytında dərc olunan yazıdan xəbərdarıq. Amma həqiqət heç də yazıldığı kimi deyil. Bəli, xoşəgəlməz hal olub, ancaq bu 2 ay əvvəl baş verib. İclas zamanı köməkçim Nəsib bəy ilə gənc oyunçu Elcan Şirinov arasında anidən mübahisə, sonra qarşıdurma oldu. Bunlar hamısı anidən oldu, tezliklə də yatırıldı. Yəni, nə saytda yazılan kimi güclü dava oldu, nə də mən köməkçimin əməlinə haqq qazandırdım. Olaydan sonra hər 2 tərəflə fərdi söhbət etdik və cəzalandırdıq. İstər Nəsib Əliyev, istərsə də Elcan Şirinovla bağlı ciddi ölçü götürüldü. İlk dövrədəki son 2-3 oyunumuza baxsaz, görərsiz ki, heç birinin adı protokola salınmayıb. Gənc futbolçunun hətta atasını çağırıb onu da məsələdən bağlı agah etdib və oğluna nə üçün cəza verildiyini dönə-dönə izah etmişik. Hər ikisi səhvlərini başa düşüb, çoxdan barışıblar. Hələ də anlamırıq ki, 2 ay əvvəl baş verən hadisə niyə indi gündəmə gətirilir? Məni yaxından tanıyanlar bilir ki, komandada heç kimə ayrı-seçkilik etməmişəm, nizam-intizamı pozan şəxslərlə bağlı da dərhal ölçü götürmüşəm. Futbolda heç vaxt nəyisə gizlətmək olmur. Biz həmişə idman mediasına hörmət etmişik. Amma barəmizdə yalanlar, böhtanlar yazılmasını qətiyyətlə pisləyirik. Futbol səhvlər üzərində inkişaf edən idman növüdü. Biz də daim səhvlərimizdən dərs çıxarırıq. Komandada xoşagəlməz olay baş verdi və mən daxil olmaqla hamı bundan nəticə çıxardı. Bir daha qeyd edirəm, hadisə 2 ay əvvəl baş verib və hər iki tərəflə bağlı ciddi tədbir görülüb".