“Qolden Steyt”in oyunçuları və məşqçiləri sonuncu çempion kimi Ağ Evə yollanaraq, ABŞ prezidenti Co Baydenlə görüşüb.

Final seriyasının ən dəyərli oyunçusu Stefen Karri dövlətin birinci şəxsinə 46 (axı Bayden ABŞ-ın 46-cı prezidentidi) , vitse-prezident Kamala Harrisə isə 1 nömrəli maykanı bağışlayıb. “Qolden Steyt” son 8 ildə 2-ci dəfə Ağ Evdə olub. Komanda 2014/15 mövsümünün qalibi kimi də bu şərəfə layiq görülmüşdü. “Uorriorz” 2017-ci və 2018-ci illərdə də çempion olub, sadəcə, siyasi mülahizələr üzündən onda prezidentlə görüşməmişdi.