“1/4 finalda penalti seriyasında Xorvatiyaya uduzub mübarizəni dayandırmağımız əsil şok oldu... Heç bilmirəm buna başqa nə ad verim. Bu, hətta yaxın insanı və ya ailə üzvünü itirməkdən də betər idi. Bir müddət özümüzə gələ bilmədik. Məğlubiyyəti beynimizdən ata bilmirdik. Hətta indi də turnirin gedişində öz səhifələrimdə yüklədiyim videolara baxanda çox üzülürəm. Düzdü, gözəl bir qol vurdum. Amma mənim hədəfim bu deyildi. Mən Qətərə ən gözəl qolu vurmaq üçün yollanmamışdım. Ora yalnız kuboku başımızın üzərinə qaldırmaq üçün getmişdik. Hərçənd vurduğum həmin qola da çox sevinirəm. Bu mükafat populyarlığımı artırdı. Karyeramda sanki yeni dönəm başlayıb. Artıq başverənləri unudub irəli boylanmalıyıq. Mən hələ gəncəm. İnanıram ki, hələ bir və ya iki dəfə bu titulu qazanmaq şansım olacaq. Derbiyə gəlincə, stadionda möhtəşəm ab-hava var idi. DÇ-dən sonra ilk oyunum idi. Nəticədən başqa hər şey bizi qane etdi. Mövsüm uzundu və növbəti oyunlara köklənməliyik. “Arsenal”ın qapıçısının qələbəni bizim fanatların önündə qeyd etməsi isə heç xoşuma gəlmədi. Bu, fanatlarımıza qarşı hörmətsizlikdi. “Arsenal”ın azarkeşləri də stadionda idi. Ona görə də gedib öz fanatlarının önündə sevinməliydi”.