Birinci divizion dünya üzrə futbol turnirlərində meydan sahiblərinin qələbə faizinə görə ilk “10-luğ”a düşüb.

Araşdırma zamanı milli çempionatlarla yanaşı, avrokuboklar, aşağı yaş qrupu üzrə liqalar və qadınlar arasında təşkil olunan yarışlar da nəzərə alınıb. Azərbaycanın birinci divizionu 250 turnirin yer aldığı siyahıda 9-cu yerdədi. Geridə qalan 15 turda keçirilən 105 matçın 62-də meydan sahibləri qələbəyə sevinib. Divizion 59 faiz göstərici ilə ilk “10-luğ”a düşməyi bacarıb. “Araz Naxçıvan”ın liderlik etdiyi çempionatın ilk dövrəsində qapılara ümumilikdə 324 qol vurulub.

Azərbaycan kubokunun 1/8 və 1/4 final mərhələlərində keçirilən 14 görüşün yarısında – 7-də meydan sahibləri qələbəyə sebinib. 100-cü yerdə qərarlaşan ölkə kuboku 50 faiz göstəriciyə malik 31 turnirdən biridi. Kubokun ilk iki mərhələsində 41 qol vurulub. Siyahıya meydan sahiblərinin 68 faiz üstünlüyü ilə İtaliya və Misir kuboku başçılıq edir.

Misli premyer-liqasında bu mövsüm keçirilən 85 qarşılaşmanın 35-də qonaqlar uduzub. Meydan sahibləri 41 faiz göstəriciylə siyahıdan kənarda qalıb.