Milli komandanın yoxlama oyunları başa çatdı.

"Football-plus.az" xəbər verir ki, yığma hər iki görüşdə qələbə qazandı. Moldova 2:1, Şimali Makedoniya isə 3:1 hesabıyla məğlub edildi. Millinin düşərgəsində hər şey qaydasındadı. Lakin həllini tapmayan bir məsələ var. Məşqçilər Komitəsinin üzvü Ağasəlim Mircavadov bir müddət əvvəl “Futbol+”ə açıqlamasında bildirmişdi ki, AFFA-ya De Byazinin köməkçilərindən daha birinin yerli olmasını təklif ediblər. İtaliyalı mütəxəssisin isə assosiasiya yeni müqavilə bağlamasından xeyli vaxt ötüb. Lakin bu məsələ hələ də həllini tapmayıb. Görəsən, gecikmənin səbəbi nədi?

Redaksiyamıza bununla bağlı maraqlı informasiya daxil olub. De Byazinin yeni köməkçisi Elxan Abdullayev olacaq. Hazırda U-17 yığmasında işləyən çalışdırıcının dil bilikləri və təcrübəsi əsas götürülüb. Bu səbəbdən də federasiya başbilənləri onu bu vəzifəyə layiq görüb. 17 yaşadək futbolçulardan ibarət millinin baş məşqçisi isə Aqil Nəbiyev olacaq. U-18 yığmasını kimin çalışdıracağı hələ dəqiq bilinmir.

Bu dəyişikliklərin doğru olub-olmadığını öyrənmək üçün AFFA-nın Mətbuat və İctiamiyyətlə Əlaqələr Departamentinin rəhbəri Firuz Abdulla ilə əlaqə saxladıq. Qurum rəsmisi xəbəri təkzib etdi:

Maraq üçün qeyd edək ki, əsas və digər yığmalarda baş verən dəyişikliklərə AFFA İcraiyyə Komitəsi qərar verir. Qurumun növbəti iclasında yazdığımız xəbərin təsdiqini tapması gözlənilir.

İLKİN SULTANLI