"Təbii ki, bu qərara münasibətim müsbətdi. Əvvəl də demişdim ki, bir məşqçinin işə başlayıb komandanı müəyyən səviyyəyə çatdırması üçün vaxt lazımdı. De Byazi 2 il öncə milliyə baş məşqçi gəldi. Gördüyü işlər var. Komandanı müəyyən mərhələyə çatdırdı. Hazırda heyət formalaşıb, nəticələrin göstəricisi odu ki, komanda perspektiv vəd edir. Bu inkişafın da davamı mütləq gəlməlidi. Ona görə də De Byazinin qalması yaxşı oldu. Onunla bir yerdə iş görürük. İstərdik ki, başladığımız işin davamını gətirib komandanı daha yüksək yerlərə aparaq. Mən İcraiyyə Komitəsinin iclasından öncə De Byazinin qalmasının tərəfdarıydım. İndiki halda onun fəaliyyətinə son verib başqasını gətirmək düzgün olmazdı. Son vaxtlar yaxşı nəticələr də oldu. Bunun da davamı gəlməlidi. Ona görə yeni məşqçinin gəlməsindənsə, elə indikinin qalması daha düzgün qərardı".

"Bu barədə məlumatım yoxdu. Hazırda De Byazi İtaliyadadı. Püşkatmada istirak edəndən sonra qayıdacaq. İkinci köməkçi məşqçinin kim olacağı, nə vaxt açıqlanacağı ilə bağlı hərəkətlilik yoxdu. Ancaq yəqin ki, baş məşqçi ölkəyə qayıdandan sonra bu məsələlər də həllini tapacaq".