“Bunu Qurban Qurbanov daha yaxşı bilir”
Bu gün Avroliqanın G qrupunda "Qarabağ" sonuncu, eyni zamanda həledici matçına çıxacaq.
Ağdam təmsilçisi "Frayburq"u məğlub edəcəyi halda turnirin pley-offuna vəsiqə qazanacaq. "Köhlən atlar"a 1 xal da kifayət edə bilər. Bunun üçün paralel keçən "Olimpiakos" – “Nant” oyununda Fransa təmsilçisi uduzmalı və ya heç-heçə etməlidi.
"Football-plus.az" saytı olaraq "Qarabağ" - "Frayburq" matçıyla bağlı mütəxəssis rəyi öyrəndik. Əfqan Talıbovu dinləyək:
"Hazırda elə bir vəziyyət yaranıb ki, istənilən qələbə və ya xal itkisi qrupda vəziyyəti dəyişir. Bunu Qurban Qurbanov daha yaxşı bilir. "Qarabağ" ilk dəqiqələrdən müdafiədə ehtiyatlı, soyuqqanlı oynamaqla yanaşı, irəlidə erkən qol axtarışlarında olmalıdı. Hesabı açandan sonra müdafiədə sıx qapanmaqla, rəqibi əks-hücumlarda yaxalamalıdı. Ağdam təmsilçisi qol buraxmamalıdı. Əks halda işi çox çətin olacaq. Çünki “alman maşını” qol vurandan sonra fərqi daha da artırmağa çalışacaq. Başda Kadi, Zubir, Ovusu olmaqla, "köhlən atlar" fürsətləri boşa verməməlidi. Paralel keçən matç da olduqca maraqlıdı. Çoxları deyir ki, "Olimpiakos"un heç bir iddiası qalmayıb, ona görə "Nant" cütün qalibi olacaq. Amma mən belə düşünmürəm. Yunanıstan təmsilçisi nüfuzu və büdcəsini yaxşılaşdırmaq üçün meydanda can qoyacaq. Nəzərə alaq ki, "Olimpiakos" Bakıdakı qolsuz heç-heçədən sonra özünə gəlib, hətta qrupun lideri "Frayburq"la görüşdə də hesabı ilk açan və sonda 1 xal qoparan onlar oldu. Odu ki, yunanlar "Nant"a başağrı olacaq. Amma "Qarabağ" fikirini buna yox, öz oyununa yönəltməlidi. Almanlarla səfərdə görüşünün 2-ci hissəsində sərgilədiyimiz dominant futbol da komanda üçün ayrıca motivasiya olmalıdı. Nəzərə alsaq ki, doğma publika önündə və xüsusi motivasiya ilə oynayacağıq, deməli, "Frayburq"u məğıub etmək şansımız çoxdu. Qurban müəllimə və komandasına uğurlar arzu edirəm".
ABDULLA İSMAYILOĞLU
Digər xəbərlər
