Alonso 4-cü yer uğrunda yarışacaq
“Formula-1” komandalarından “Alpin”in sürücüsü Fernando Alonso bildirib ki, 4-cü yer uğrunda mübarizə son ana qədər davam edəcək.
"Football-plus.az" xəbər verir ki, o, Amerika mərhələsinin bu il ən yaxşı yarışı olmadığını deyib:"Lakin ən yaxşılardan biri idi. Bütün yarış ərzində sıx mübarizə apardıq və sonda Norrislə mübarizəmiz oldu. “Maklaren”lə Mühəndislər kubokunda 4-cü yer uğrunda mübarizə apardığımızı nəzərə alsaq, bu vacib idi. Yarış yaxşı başladı və təhlükəsilzik maşınından faydalandım. Daha sonra Stroll ilə qəza etdim. Buna baxmayaraq, qanad və təkərləri dəyişib yolumuza davam etdik. Sırada Meksika yarışı var. Ostindən sonra Meksikaya keçmək üçün vaxtınız az olur və yarışın adrenalini hələ də üzərimizdədi. Yenə də mübarizəyə hazırıq və problem yaşamasaq, xallar qazana bilərik. Əminəm ki, Mühəndislər kubokundakı dördüncülük mübarizəsi sona qədər davam edəcək. Hazırda əsas hədəfimiz yarışları ən yaxşı şəkildə bitirməkdi”.
Digər xəbərlər
