Alonso Hemiltondan narazı qalmayıb
Qəzetimizin ötən sayında Spa mərhələsində Lüis Hemiltonla Fernando Alonsonın toqquşduğunu xəbər vermişdik.
“Alpin” komandasının pilotu Alonso bildirib ki, Hemilton səhvini qəbul etdiyinə görə sevinir. İspaniyalı pilot yarışa 3-cü yerdən başlasa da, yaxşı tərpənərək 2-ci yerə yüksəlmişdi. Lakin britaniyalı 5-ci döngədə Alonsoya toxunub. Nəticədə Hemiltonun bolidi uçaraq, ciddi zədə alıb. Yeddiqat dünya çempionu mübarizəni dayandırıbsa, Alonso davam edərək sonda 5-ci olub:
“Hemiltonun üstümə belə qapanması səhv idi. Keçmişdə beşinci döngəni həmişə paralel dönmək istədiyini çox görmüşük. 2014-cü ildə Rosberqlə də eynisini etmişdi. Məncə, yarış qəzası idi və bu döngədə çox insident yaşanıb. Məyusam. İkinci və ya üçüncü başlayanda başıma belə işlər gəlir. 12-ci və ya 13-cü yerdən başlayanda isə təmiz yarış keçirirəm. Məncə, Lüis elə bildi ki, öndədi və səhv etdiyini düşünmürəm. O da səhvini qəbul etdi və buna görə razıyam”.
Digər xəbərlər
