“Futbolçuların bilərəkdən zəif çıxış etməsi mümkün deyil” - İlkin Qırtımov
"Qəbələ" - "Kəpəz" qarşılaşmasından sonra keçirilən mətbuat konfransında meydan sahiblərinin baş məşqçisi Elmar Baxşıyev hücumameyilli futbolçuların zəiif çıxış etdiyini, son nöqtəni qoymaqda çətinlik çəkdiklərini söylədi.
Hətta bəzi futbolçuların bilərəkdən zəif oynadıqları haqda söz-söhbət də dolaşır.Görəsən, həmin mövqedə oynayan futbolçular niyə imkanlarından aşağı çıxış edir, problemin səbəbi nədi?
Bu məsələni aydınlaşdırmaq üçün "Qəbələ"nin hücumameyilli yerli futbolçuları ilə əlaqə saxladıq. Lakin həm kapitan Asif Məmmədov, həm də Rövlan Muradov açıqlama vermək istəmədi. Bununla belə, komandanın uğursuz çıxışı ilə bağlı İlkin Qırtımovla danışa bildik:"Futbolçuların bilərəkdən zəif çıxış etməsi mümkün deyil. Hamımız komandaya daha çox fayda vermək üçün meydana çıxırıq. Tək hücumçuların üzərinə düşmək də düzgün deyil. Çünki komanda yalnız hücumçulardan ibarət deyil. Hazırda üzərimizdə gərginlik var ki, bunun da nəticəsində ruh düşkünlüyü və beyin yorğunluğu yaranıb. Qələbə qazanmalı olduğumuz son matçlarda xallar itirməyimiz də pis təsir edir. Bizə hazırda mübariz oyunla qələbə qazanmaq lazımdı. Bunu bacara bilsək, narahatlıq aradan qalxacaq".
[b]ABDULLA İSMAYILOĞLU
Digər xəbərlər
