"İdman Könüllüləri və Azarkeşləri İctimai Birliyi"ni yaratmaqda əsas məqsədimiz ölkədə idmanın bütün sahələrində inkişafına könüllü kimi dəstək verib inkişaf etdirməkdi. Hələ ki ölkə daxilində fəaliyyət göstəririk, gələcəkdə xarici səfərlərdə də iştirak edəcəyik. Bu yaxınlarda "Qarabağ" klubuyla da əməkdaşlıqla bağlı razılığa gəldik. Belə ki, Ağdam təmsilçisinin avrokuboklardakı ev oyunlarında 200 könüllümüzlə təmsil olunacağıq. Könüllülərimizin işi stadiona gələn azarkeşləri qarşılamaq, təyin olunan yerlərdə oturmalarına kömək etmək olacaq. Gələcəkdə "Qarabağ"ın səfər oyunlarında da iştirak edəcəyik. Qeyd etdiyim kimi, idmanın bütün sahələrində yaxından iştirak etməyi, xidmət göstərməyi planlaşdırırıq. Hazırda Suqovuşandakı tədbirdəyik. Növbəti ay Bakıda təşkil olunacaq güləş və cüdo yarışlarına hazırlaşırıq. İdmançıların hava limanında qarşılanması, oteldə məskunlaşması, məşqlərə aparılması və başqa xidmətləri göstərəcəyik".