Krivotsyuk oynadı, komandası "Legiya"nı məğlub etdi

Polşa çempionatında 13-cü turun oyunları keçirilib.

Football-plus.az xəbər verir ki, Azərbaycan yığmasının müdafiəçisi Anton Krivotsyukun formasını geyindiyi “Visla” (Plotsk) da növbəti matçına çıxıb.

Sözügedən kollektiv evdə “Legiya” ilə qarşılaşıb. Futbolçumuzun komandası bu oyundan qələbə ilə ayrılıb – 2:1.

Krivotsyuk da bu görüşün iştirakçısı olub. Millimizin üzvü start heyətdə meydana çıxıb və sonadək mübarizə aparıb.

“Visla” 13 turdan sonra 24 xalla 18 iştirakçı arasında 2-ci pillədə qərarlaşıb.