Azərbaycan millisinin yarımmüdafiəçisi Emin Mahmudov "Meta-ratings.kz" saytına müsahibə verib.

"Footbal-plus.az" xəbər verir ki, yığmanın kapitanı sabah Millətlər Liqasında Qazaxıstana qarşı keçirəcəkləri oyunla bağlı fikirlərini bildirib:

- Qazaxıstanla oyunun Azərbaycan millisi üçün əhəmiyyəti nədi?

- Milli üçün oynayanda motivasiya hər zaman böyükdü. Yoldaşlıq oyunu olsa belə. Qazaxıstanla matç vacibdi. Xarakterimizi göstərməyə və qazanmağa çalışacağıq. Hər halda, qələbə üçün üçün əhəmiyyətli olacaq.

- Qazaxıstanın qrupdakı liderliyi sizin üçün nə qədər təəəccüblü oldu?

- Bəli, Qazaxıstanın liderliyi gözlənilməz oldu. Çünkü püşk atılanda aşkar favorit Slovakiya idi. Lakin qazaxlar yeni baş məşqçi ilə yaxşı oyun sərgilədi və Slovakiyanı 2 dəfə məğlub etdilər.

- Karyeranızda Azərbaycan, Rusiya və Portuqaliyada oynamısız. Qazaxıstandan təklifiniz olub?

- Açığı, yox. Buna görə deyəcək bir şey yoxdu.

- Qazaxıstan çempionatı haqda nə bilirsiz? Emil Balayev çempionatımız haqda nələr dedi?

- Çempionata bələd deyiləm. "Astana" və "Kayrat" kimi komandaları Avrokuboklardakı çıxışından tanıyıram.

- Qazaxıstanlı futbolçulardan tanıdığınız varmı? Ümumiyyətlə, komandamızın tərkibində kimləri qeyd edə bilərsiniz?

- Mən heç bir futbolçunu şəxsən tanımıram. Amma mən Zaynutdinovu tanıyıram, çünki o, SSKA-da oynayır. Yaxşı oyunçudur, çox texnikalıdır. Şübhəsiz ki, diqqətə layiq olanlardan biridir. Tağıbergeni də qeyd edərdim. Texnikalı, ağıllı, necə oynamağı bilən futbolçudur. Qazaxıstan millisi ilk növbədə baş məşqçinin tələblərini çox yaxşı və nizam-intizamla yerinə yetirən məşqçi komandasıdı.

- Azərbaycan niyə hələ də oyunlarını kiçik “Dalğa Arena” stadionunda keçirir?

- Deyə bilmərəm, amma bura bizim ev stadionlarımızdan biridir. O, çox rahatdı!

- Oyun öncəsi Azərbaycan millisinin azarkeşlərinə nə vəd edə bilərsiniz?

- Söz verirəm ki, yaxşı nəticə üçün böyük motivasiya ilə mübarizə aparacağıq.