Rummenigge Levandovskini 4-cü sıraya qoydu…
Almaniya futbolunda nüfuzlu şəxslərdən sayılan ''Bavariya''nın idarə heyətinin sabiq sədri Karl-Haynts Rummenigge böyük maraqla gözlənilən ''Bavariya'' – ''Barselona'' matçından öncə açıqlamalar verib.
Football-plus.az xəbər verir ki, Robert Levandovskinin yerli fanatlar tərəfindən yaxşı qarşılanacağına inandığını vurğulayan Rummenigge maraqlı bir sıralama da tərtib edib:
''İstərdim ki, həm ''Bavariya'', həm də fanatlar Levandovskini xoş qarşılasın. Robertin bu klub üçün 8 il ərzində nələr etdiyini, hər mövsüm orta hesabla 35-50 qol vurduğunu unutmamalıyıq. Üstəlik ayrılanda da bizə pullar qazandırdı. Levandovski həmişə İspaniyada oynamağı arzulayırdı. Bu, onun İspaniyada böyük kluba keçməsi üçün bəlkə də son şans idi. Amma hər şeyə rəğmən son 15-20 ilə nəzər salsaq, Levandovskini ''Bavariya''nın ən yaxşı transferlərindən biri saya bilərik. Bununla bağlı bir sıralama tərtib etməli olsam, ən vacib transferləri Riberi, Robben, Noyer, Levandovski ardıcıllığı ilə düzərdim''.
