TFF-nin binasına atəş açanlar sərbəst buraxıldı!
Bir neçə gün öncə Türkiyə Futbol Federasiyasının binasına atəş açan və sonra da həbs olunan iki şəxs ilə bağlı yeni xəbərlər var.
Məlum olub ki, şübhəlilərdən Cüneyt U. daha öncə 18, Oğuzhan G. isə 3 dəfə cinayət məsuliyyətinə cəlb olunub. Onların hər ikisi ''adam öldürməyə təşəbbüs'' maddəsi ilə günahlandırılaraq məhkəmə qarşısına çıxıblar. Amma məhkəmə Oğuzhan Ç.nin sərbəst buraxılmasına, Cüneyt U.nun isə evi tərk etməmək şərti ilə sərbəst buraxılmasına qərar verib! Onların hər ikisi polis şöbəsində verdikləri ifadəni məhkəmədə də təkrar ediblər. Cüneyt U. bunları deyib:
''Spirtli içkinin təsiri ilə havaya atəş açdım. Federasiyanın binasını və ya başqa bir yeri hədəf almamışdım. Oranın federasiyanın binası olduğunu da bilmirdim. Olayın ardından çıxan hay-küydən qorxaraq maşına minib ordan uzaqlaşdım. Hərəkətimə görə pesmanam''.
Oğuzhan Ç.nin ifadəsi isə belə olub:
''Cüneytlə birlikdə kirayə tutduğumuz evdə yaşayırıq. Həmin gün işlərimlə bağlı evdən çıxmışdım. Sonra Cüneyt mənə zəng vuraraq pis şeylər etdiyini dedi və maşınla gəlib ordan uzaqlaşmağımızı istədi. Birlikdə onun evinə getdik. Sonra onu yemək üçün bir məkana qoydum. Geri dönüb əynimi dəyişmək istədikdə polislər gəldi''.
Cüneyt U. ifadəsində silahı dərəyə atdığını desə də, bunun yalan olduğu üzə çıxdı. Ona məxsus evin həyətində 2 silah və 12 güllə tapılıb. Onlardan birinin hadisə zamanı işlədilən silah olduğu güman edilir.
Digər xəbərlər
