“Arsenal” cari mövsümə möhtəşəm başlayıb.

“Transfer pəncərəsi”ni uğurla keçirən londonlular və Mikel Arteta ən yüksək hədəflərin öhdəsindən gəlməyə hazır görünür. Bəs “Arsenal” necə dəyişib? Komanda hansı problemlərlə üzləşə bilər? Bu mövsümün sonunda hansı nəticəni gözləməli?

Heç şübhəsiz, “topçular” “transfer pəncərə”sində uğurlu keçirdlərlə yadda qalıb. Londonluların sıralarını Aleksandr Zinçenko, Fabio Vieyra və Qabriel Jezus genişləndirib, Vilyam Saliba icarədən qayıdıb. Yenilər komandanın oyununa nə bəxş edib?

1. Qabriel Jezus

Ötən mövsüm “Arsenal”ın heyətində qol vuran “9 nömrə” çatışmırdı. Sözsüz, Aleksandr Lakazett yaxşı oyunçudu, ancaq bitirici mərhələdə yoxd. Qolların əksərini vingerlər və hücumameyilli yarımmüdafiəçilər vururdu. Fransalının əvəzinə Londona Qabriel Jezus təşrif buyurub. O, ötən mövsüm Qvardiola tərəfindən sərt çərçivəyə salınmışdı və cinah oyunçusuna çevrilmişdi. Artetat isə braziliyalını hücumun mərkəzinə qoydu və əl-qolunu açdı. Jezus mövsümlərarası dövrdə özünü komandanın ən parlaq oyunçusu kimi göstərdi. Elə premyer-liqada da möhtəşəmdi. Braziliyalı ilk 4 oyunda 5 məhsuldar hərəkətlə yadda qalıb, Martinelli ilə tandem yaradıb.

2. Aleksandr Zinçenko

Növbəti vacib transfer Zinçenkodu, daha dəqiqi, ukraynalının “Arsenal”ın oyununa qatdığı variasiyalılıq. Baş məşqçi belə düşünür ki, Aleksandrın doğma mövqeyi mərkəz yarımmüdafiəçisidi. Zinçenko hücum vaxtı yarımmüdafiənin mərkəzinə meyillənir, müdafiə vaxtı isə sol vinger mövqeyinə dönür. Nəticə belədi ki, ukraynalı “Arsenal”ın oyununa müxtəliflik qatıb, komandanı daha da gücləndirib.

3. Vilyam Saliba

“Marsel”də keçirdiyi ötən mövsüm fransalının xeyrinə işləyib. Vilyam Liqa 1-də ən yaxşı gənc oyunçu üçün ayrılan mükafata yiyələnib və özü haqda yalnız xoş təəssürat buraxıb. Premyer-liqaya keçən 21 yaşlı müdafiəç 4 oyunun hamısında meydanda olub, hətta “Bornmut”un qapısına gözəl qol da vurub. Belə görünür ki, “Arsenal”da müdafiənin mərkəzində Saliba – Qabriel tandemo oynayacaq (o biri Qabriellər – Jezus və Martienlli ilə qarışdırmayın, bu da başqasıdı).

Bəs uğurlu qarafik cızan “Arsenal” irəlidə hansı əngəllərlə üzləşə bilər? İlk növbədə Partinin zədələnmək ehtimalını nəzərə almalıyıq. Bu məqamda ötən mövsümün gedişini xatırlamağa dəyər. Onda “Çelsi”, “Mançester Yunayted”, “Vest Hem” və “Lids”i məğlub edən “topçular” 4-cü pilləyə yüklsəlmişdi, “Tottenhem”i 4 xal arxada qoyurdu. Ancaq ardından nələrin baş verdiyini bilirsiz. Tomas Partinin yoxluğu dərhaı özünü göstərdi. “Tottenhem”lə “Nyukasl”a uduzan Arteta Çempionlar Liqasına vəsiqəni əldən verdi. “Arsenal”ın yalnız bir dayaq yarımmüdafiəçisi var ki, o da Partidi. Zədələnsə, ona normal əvəzedici tapılmayacaq.

İkinci əngəl kimi qısa ehtiyat oyunçular skamyasını göstərmək olar. Bu mənada “Arsenal”ı “Siti”, “Çelsi” və “Tottenhem” ilə müqayisə etməyə dəyməz. “Arsenal” üç turnirdə mübarizə aparacaq. Ancaq necə? Geniş ehtiyat oyunçular skamyası “uzaq məsafədə” uğurun və sabitliyin təminatıdı. Jezusu necə əvəz edəsən? Bəs Remsdeyli? Heyət güclənsə də, bəzi mövqelərdə ikinci oyunçu, sadəcə, yoxdu.

“Arsenal” bu yay daha balanslaşdırılmış komandaya çevrilib. Çempionluq uğrunda mübarizədən danışmaq tez olsa da, Artetanın komandası ən azı 4-cü yerə can atmalıdı. Əlbəttə, rəqiblər də güclənir, tərəqqi edir. Mübarizə asan olmayacaq, ancaq “topçular”a inanmağa dəyər. Bu Arsen Vengerdən sonrakı dövrün ən güclü “Arsenal”ıdı. Komanda zədələrdən əziyyət çəkməsə, premyer-liqada dominantlıq edə bilər.