İngiltərə klubları arasında aparılan danışıqlar sona çatmaq üzrədi.

Qabriel Jezus tezliklə “Mançester Siti”ni tərk edəcək. Yerli mənbələrin məlumatına görə, “Arsenal” transferlə bağlı “şəhərlilər”lə şifahi razılığa gəlib. London klubu keçidi 45 milyon funt sterlinqə reallaşdıracağına zəmanət verib. İndi paytaxt təmsilçisi braziliyalı futbolçunun menecerləri ilə danışıqlar aparır. Onun gələcək müqaviləsinin detalları müzakirə olunur.

Jezus MS-yə 2017-ci ildə “Palmeyras”dan transfer olunub. 25 yaşlı hücumçu son mövsümdə premyer-liqada meydana çıxdığı 27 oyunda 8 qol vurub.