Neapoldan Parisə, Parisdən Neapola

PSJ heyətinə daha bir yeni futbolçu qatmağa hazırlaşır.

Football-plus.az xəbər verir ki, bu məlumatı “Le Parisien” yayıb.

Paytaxt klubu “Napoli”nin oyunçusu Fabian Ruislə razılığa gəlib. PSJ 26 yaşlı yarımmüdafiəçi ilə 5 illik müqavilə bağlayacaq. Fransa nəhəngi bu keçidə görə “Napoli”yə 25 milyon avro ödəyəcək. Fabian İtaliya klubuna 2018-ci ildə “Betis”dən keçib. O, ötən müddətdə neapollularla 166 oyunda meydana çıxıb, 22 qol vuub və 15 məhsuldar ötürmə edib.

Yeri gəlmişkən, PSJ-nin qapıçısı Keylor Navas “Napoli”yə keçməyə çox yaxındı. Artıq kosta-rikalı oyunçu ilə transfer danışıqları yekunlaşıb. Keçidin yaxın günlərdə rəsmən açıqlanacağı gözlənilir. Qeyd edək ki, bu mövsümdən Canluici Donnarumma PSJ-nin əsas qapıçısı statusu qazandığı üçün Navas Paris klubundan ayrılmaq qərarına gəlib.

Artıq PSJ-ni daha bir oyunçu tərk edib. Ander Errera karyerasını İspaniyada davam etdirəcək. Klubu onu birilliyə “Atletik”ə icarəyə verib. Bilbaoluların yarımmüdafiəçini gələn yay birdəfəlik transfer etək hüququ var.