"Bu nəticə bizə revanş üçün əla şans verir" - "Viktoriya"nın futbolçusu
Çexiyanın "Viktoriya" klubunun futbolçusu Vatslav Yemelka Çempionlar Liqasının pley-offunda "Qarabağ"a qarşı keçirdikləri ilk oyun barədə fikirlərini bildirib.
"Football-plus.az" xəbər verir ki, o, yerli mətbuata açıqlamasında 0:0 bitən Bakıdakı matç barədə bunları deyib:"Bu nəticə bizə revanş üçün əla şans verir. Komandamızla fəxr edirəm. Biz çətin şəraitdə heç-heçə üçün mübarizə apardıq və istəyimizə çatdıq. Bakıda hava çox pis, rəqib isə yaxşı idi".
O bu qarşılaşmanı ən karyerasının ən çətin görüşü adlandırmayıb: "Deməzdim ki, Bakıdakı oyun mənim üçün ən çətin matç idi. Mən hətta bunu ağlımdan da keçirmirəm. Hər dəfə meydana çıxanda rəqibin kimliyindən asılı olmayaraq, əlimdən gələni etməyə çalışıram".
