“İnter”i tərk edəcəyi gözlənilən Aleksis Sançesin aqibəti müəyyənləşib.

Football-plus.az xəbər verir ki, artıq təcrübəli futbolçunun bu kluba bağlılığı qalmayıb. İtaliya mənbələrinin xəbərinə görə, çilili hücumçu rəhbərliklə müqavilənin pozulması üçün aparılan danışıqlarda razılığa gəlib. Milan klubunun Aleksisə 5 milyon avro təzminat ödəyəcəyi bildirilir.

Qeyd edək ki, “İnter”ə 2019-cu ildə “Mançester Yunayted”dən keçən Sançes bu müddətdə bütün turnirlərdə 108 oyuna 20 qol vurub və 23 məhsuldar ötürmə edib. Yeri gəlmişkən, bir neçə gün əvvəl onun karyerasını Fransada davam etdirəcəyi, “Marsel”lə razılığa gəldiyi haqda xəbər yayılmışdı.