Konfrans Liqasının 2-ci təsnifat mərhələsinin ilk oyununda "Zirə" "Makkabi"yə (Təl-Əviv) məğlub olub.

Football-plus.az xəbər verir ki, görüşdən sonra keçirilən mətbuat konfransında qonaqların baş məşqçisi Vladimir İviç mətbuat konfransında jurnalistlərin suallarını cavablandırdı...

- “Zirə”dən çox da yaxşı futbol göstərmədiz. Sanki bəxt də üzünüzə güldü...
- Deməzdim ki, bu gün fantastik futbol oynadıq. Bura qələbə üçün gəlmişdik. Qısa hazırlığımız olmuşdu. Mövsümdə ikinci rəsmi oyunumuz idi, Avropada isə ilk. Vacib olan qələbə qazanmaq idi. Hələ özümüzün ən yüksək səviyyəmizdə deyildik. Bu gün komanda olaraq yaxşı idik. İlk dəqiqələrdən sonra qədər görüşə ciddi yanaşdıq.

- “Zirə”nin bir neçə oyununu izlədiyinizi demişdiz. Ötənilki komanda ilə bugünkü arasında hansı fərqləri gördüz?
- Düşünürəm ki, heç “Zirə” də ən yaxşı formasında deyil. Hələ mövsümün əvvəlidi. Keçənilki komanda ilə indikini müqayisə etmək düzgün deyil. Əlbəttə, “Zirə” yaxşı kollektivdi. Onlar ölkə kubokunun finalında “Qarabağ”a qarşı penaltilərdə uduzmuşdular. Bu, onlar üçün də ilk rəsmi oyun idi. Neçə hazırlıq matçı keçirdiklərini bilmirəm. Sadəcə, ilk 90 dəqiqə başa çatıb. Təl-Əvivdə ikinci hissə olacaq. Ciddi hazırlaşmalıyıq.

- Mərhələnin taleyini həll etdiyizi demək olarmı?
- Dediyim kimi, bu, ilk oyun idi. Hələ cavab matçı olacaq. Bugünkü kimi konsentrasiyalı olmalıyıq. 1 həftə hazırlaşa biləcəyik. Futbolda hər şey ola bilər. Bugünkü yaxşı məqamları saxlamalı, digərlərini inkişaf etdirməliyik. Mövsümün əvvəlidi. Missiyamızı tamamlamamamışıq.