Maldininin aqibəti müəyyənləşdi
Nəhayət, Paolo Maldininin aqibəti müəyyənləşib
“Milan”ın əfsanəvi futbolçusu, son illər klubda texniki direktor kimi çalışan funksioner ilə müqavilə yenilənib.
ABŞ-nin “RedBird Capital Partners” sərmayə şirkəti klubun yeni sahibi olandan sonra Maldininin postunu tərk edə biləcəyi güman olunurdu. Lakin yeni sahiblər idman direktoru Frederik Massara ilə əməkdaşlığı da davam etdirməyi lazım biliblər. Onlarla yeni müqavilələrin müddəti 2024-cü ilin yayına qədər nəzərdə tutulub. 54 yaşlı Maldini onu sevindirən hadisə ilə bağlı fikirlərini belə bölüşüb:
"Hər şey yaxşıdı. Bəli, müqavilələrimizi yenilədik. Hər şey bir az gec alındı, amma sonda sənədləri imzaladıq. Ötən mövsümün nəticələrindən məmnunuq və qələbələrlə dolu gələcək planlaşdırırıq. Yeri gəlmişkən, transferlər planında bir az gecikirik, amma lazımi keçidləri mövsümün startına qədər həyata keçirəcəyik. Bu hələ ki üzdə görünməsə də, mən xoşbəxtəm”.
Digər xəbərlər
