De Byazi Rail Məlikovu necə təəccübləndirib? - AÇIQLAMA
Millimiz dünən Belarusla matçda ilk xalını qazansa da, ümumilikdə uğursuz seriyası davam edir.
Belə ki, ölkənin əsas komandası 12 oyundu qələbəyə, 4 görüşdü qola həsrətdi.
"Football-plus.az" saytı olaraq komandanın “qara zolaq”da ilişib qalması ilə bağlı mütəxəssis fikri öyrəndik.
Rail Məlikov: “Yığmadan Qazaxıstan və Belarusla oyunlarda maksimum nəticə gözləyirdim. Hər iki komanda “dişimizə görə” idi və onlar üzərində qələbə qazanmağa borclu idik. Hələ də anlamıram, münasib rəqibə qarşı meydana qələbə üçün çıxan komanda niyə əzmkarlıq göstərərək hücumda çoxalmaq əvəzinə müdafiəyə qapanır? Dünənki heyətə baxıb təəccübləndim. Abbas Hüseynov, Namik Ələskərov kimi futbolçular ehtiyatda oturub. Abbas "Qarabağ"ın heyətində əsas cinah müdafiəçisi olmaqla hücumlara yaxşı qoşulur. Namik isə yola saldığımız mövsümdə Türkiyə 1-ci liqasında özünü yaxşı tərəfdən göstərib. Dünən onların start heyətində oynaması ilə komandanın hücum planında daha çox faydalılıq görərdik. Mən “müdafiəni unudaq” demirəm. Amma komanda meydanın rəqibə aid hissəsində pressinq etməklə hücumda çoxalmalı və qollar vurmalıdı. Qazaxıstan və Belarus yığmaları İtaliya, Portuqaliya, İngiltərə deyil. Onlara qalib gəlməliydik".
ABDULLA İSMAYILOĞLU
Digər xəbərlər
