"Belarusla oyunda da favorit yoxdu" - AÇIQLAMA
Millimiz bu gün Millətlər Liqasının C divizionunun 3-cü qrupunda Belarusla üz-üzə gələcək.
Yığma Qazaxıstana qarşı səfərdə keçirdiyi ilk matçda 0:2 hesabı ilə məğlub olaraq azarkeşləri yenə məyus etdi. Bu gün baş tutacaq görüş səfər statusu daşısa da, Serbiyada, neytral meydanda baş tutacaq.
Görəsən, komandamız bu qarşılaşmadan qələbə ilə ayrıla bilər? Məsələ ilə bağlı mütəxəssis fikri öyrənməyi lazım bildik. Bunun üçün Aslan Kərimovla danışdıq.
Təcrübəli mütəxəssisin “Football-plus.az” saytına açıqlaması belə oldu:"Belə hesab edirəm ki, Belarusla oyunda da favorit yoxdu. Həm onlar, həm də komandamız qalib gələ bilər. Hətta düşünürəm ki Belarus millisi bu oyunda ikinci zümrə ilə çıxış edəcək. Onların tipik sistemləri var. Fikrimcə, bu sistemlə müdafiədə, daha çox qapalı oyun nümayiş etdirib əks hücumlarda oyunu qurmağa çalışacaqlar. Hesab edirəm ki, belə bir oyunda favorit olması düzgün deyil. Hər iki komanda qalib gələ bilər. Heyətlə bağlı bir şey deyə bilmərəm. Çünki, oyunçuların hansının vəziyyəti necədi bilmirəm. Yalnız onu deyə bilərəm ki, cinahlarda daha sürətli futbolçularımızın olması yaxşı olardı. Belə olan halda biz rəqibin müdafiə xəttini yara biləcəyik. Ortadan yarmaq çətin olacaq. Ancaq cinahlarda bizim oyunçuları birə bir saxlaya bilərlər. Bəlkə Namiki, və ya müdafiədə Toralı oynatmaq şansı ola bilər. Amma oynadıb oynatmayacağını demək mənim üçün çətindi. Çünki onların fiziki durumunu, hazırlıq səviyyələrini, toplanışda necə məşq elədiklərini bilmirəm".
SƏNƏM FƏRHADOVA
Digər xəbərlər
