Bu gün Azərbaycan kubokunun yarımfinalının cavab görüşləri baş tutacaq.

Hər iki qarşılaşma eyni gündə keçiriləcək və “CBC Sport” telekanalı vasitəsiylə canlı yayınlanacaq.

Azərbaycan kuboku
yarımfinal, cavab görüşləri
28 aprel
9. Neftçi - Zirə
Cəzalı: yoxdu.
“Futbol+”in proqnozu: 40-30-30.
Bakı. Bakcell Arena. Saat 20.30
İlk oyun - 0:0.

Azərbaycan kuboku 1/2 final (cavab oyunu) “Neftçi” 0-0 “Zirə” (pen.2-4)



Bu görüş hər iki komanda üçün çox vacibdi. Ötən il premyer-liqanın qalibi olan “Neftçi” cari mövsümdə ən azı kuboku muzeyinə aprmağa köklənib. Bunun üçün “Zirə” səddi keçilməlidi. Lakin bu heç də asan olmayacaq. Komandada zədəlilər var. Samir Abasov heyət qurmaqda çətinlik çəkəcək. Fərid Yusifli, Sezar Meza Kolli və İvan Brkiçin meydana çıxıb-çıxmayacağı dəqiq deyil. Bu səbəbdən də “Neftçi” üçün bu görüş heç də asan olmayacaq. “Zirə”də isə hər şey qaydasındadı. “Qartallar”ın heyətində, demək olar ki, zədəli yoxdu. Rəşad Sadıqov bütün futbolçuların xidmətindən yararlana biləcək. Qəsəbə təmsilçisi bu görüşdə qələbə qazanacağı təqdirdə tarixdə ilk dəfə Azərbaycan kubokunun finalına vəsiqə qazanacaq. Məhz bu amil “Zirə”nin oyuna daha yaxşı köklənəcəyini deməyə əsas verir.

10. Qarabağ - Qəbələ 5:0
Ramil Şeydayev, 5. Kadi Borqes, 13, (p). Kadi Borqes, 17. Leandro Andrade, 37. Ramil Şeydayev, 58.
Cəzalı: yoxdu.
“Futbol+”in proqnozu: 50-30-20.
Bakı. Azərsun Arena. Saat 17.30
İlk oyun - 3:1.

Komandalar cəmi 10 gün ərzində 3-cü dəfə üz-üzə gələcək. Artıq rəqiblər bir-birini yaxından tanıyır. Lakin “Qəbələ”nin böyük ehtimalla mübarizəni dayandıracağını söyləyə bilərik. “Qızıl dubl” həvəsini gizlətməyən ağdamlılar qarşılaşmanın aşkar favoritidi. “Qırmızı-qaralar”da heyət çatışmazlığı özünü göstərir. Sözsüz, Elmar Baxşıyev nəyin bahasına olur-olsun, kubokda mərhələ adlamaq əvəzinə premyer-liqada 4-cü pilləyə qayıtmağı üstün tutur. Bu səbəbdən “Qarabağ”ın cavab matçında da qələbə qazanacağını təxmin etmək mümkündü.

Azərbaycan kuboku 1/2 final (cavab oyunu) “Qarabağ” 5-0 “Qəbələ”