“Barselona”nın yeniyetmə futbolçusu Pedri zədələnib.

19 yaşlı yarımmüdafiəçi Avropa Liqasının 1/4 final mərhələsinin “Ayntraxt”la (Frankfurt) cavab matçında (2:3) sıradan çıxıb. O, bu səbəbdən fasilə zamanı əvəzlənib. Sol bud əzələsi zədələnən oyunçunun mövsümün qalan hissəsini buraxacağı gözlənilir. Həkimlər hələ ki onunla bağlı dəqiq proqnoz verməyiblər.

İlkin ehtimal doğrulacağı halda Pedri təxminən 6-8 həftə topa toxuna bilməyəcək. Bu isə cari mövsümün onun üçün erkən bitəcəyi demək olacaq.