Braziliya yığması növbəti oyun ərəfəsində iki itki ilə üzləşib.

Komandanın hücumameyilli oyunçuları Neymar və Vinisius Junior cəzalı duruma düşüblər. Hər iki futbolçu DÇ-2022-nin seçmə mərhələsinin Çili ilə oyununda (4:0) sarı vərəqə alıb. Onlar növbəti turun Boliviya ilə səfər matçında iştirak edə bilməyəcəklər.

Qeyd edək ki, seçmə turnirin reqlamentinə əsasən, iki xəbərdarlıq alan oyunçu növbəti matçda iştirak hüququnu itirir. Neymar cari tsikldə iştirak etdiyi 10 oyunda 4, Vinisius isə 7 matçda 2 sarı vərəqə alıb.