Ramiz Məmmədov De Byazi kimi etməzdi - AÇIQLAMA
Millimiz dünən yoxlama görüşündə Maltaya səfərdə 0:1 hesabı ilə məğlub oldu.
"Cırtdan"a məğlubiyyətin biabırçılıqdan başqa izahı yoxdu. Sosial şəbəkələrdə azarkeşlər haqlı olaraq həm AFFA-ya, həm də baş məşqçiyə etiraz edir. Görəsən, mütəxəssislər bu haqda nə düşünür? Futbolçuların zəif oyununun səbəbi nədi? Suallarımızı veteran futbolçu Ramiz Məmmədova ünvanladıq. Təcrübəli mütəxəssis millinin Maltaya qarşı oyununu belə şərh etdi:
"Gözlənilməz heyət idi. Düzdü, bütün futbolçuları tanıyırıq. Amma 2-3 nəfəri əsas heyətdə gözləmirdim. Bu, onsuz da yoxlama görüşüdü. Hamı da sizin kimi yığmanın uduzmayacağını düşünürdü. Bu gün dünya futbolunda zəif komandaların çoxu inkişaf edir. Yoxlama görüşündə uduzmaq da olar, heç-heçə etmək də. Yaxşı oynayıb, məğlub olanda adama təsir edir. Düzdü, yığma birinci hissədə çox zəif təsir bağışladı. Amma ikinci yarıda tərpəniş hiss olundu. Əvvəlki heyət üzvləri meydana çıxanda öz oyun üslubumuzu tapdıq. Amma artıq gec idi. Bununla belə, məğlubiyyətə görə millini qınamaq olmaz. Çünki bu, yoxlama matçı idi. Çoxdandı İsrafilov, Nazarov, Dadaşov pandemiya ilə bağlı millinin toplanışlarına gələ bilmirdi. De Byazi Millətlər Liqası üçün komanda formalaşdırır. Bu məğlubiyyət bizdən heç nə almır. Latviya ilə matçdan sonra komandaya qiymət vermək olar. Təəssüf ki, bir az zəif oynadıq. Amma bu məsələnin üstünə getməyə çox da ehtiyac yoxdu. De Byazinin oyun üslubu da bəllidi. Onun üstünə gedib, aranı daha da qarışdırmağa gərək yoxdu. Əksinə, ona kömək etməliyik ki, millimiz nəticə qazansın. Artıq geriyə yol yoxdu. Komanda son oyunda yaxşı oynamadı. Amma ayrı-ayrı futbolçular xoş təsir bağışladı.
Əsasən dəyişikliklərdən danışmaq istəyirəm. İlk hissədəki oyunun axarına uyğun fasilədə 4-5 əvəzetmə olsaydı, daha yaxşı olardı. Məsələn, Toralı 10-15 dəqiqə sınamağa gərək yoxdu. Onsuz da o, sözünü demiş futbolçudu. Fasilədən sonra 4-5 oyunçunu birdən meydana buraxıb, rotasiyalar etsəydi, daha məqsədəuyğun olardı. Hiss olunurdu ki, bu əvəzetmələr qələbəyə hesablanıb. Amma mən belə etməzdim. Buna gərək yox idi. Yoxlama görüşündə kimlərisə sınayırsansa, bir hissə əsas heyəti, ikinci yarıda digərlərini meydana buraxmaq lazımdı. Komandanın performansı və oyunçuların uyğunlaşması mənim üçün daha maraqlıdı".
Əsasən dəyişikliklərdən danışmaq istəyirəm. İlk hissədəki oyunun axarına uyğun fasilədə 4-5 əvəzetmə olsaydı, daha yaxşı olardı. Məsələn, Toralı 10-15 dəqiqə sınamağa gərək yoxdu. Onsuz da o, sözünü demiş futbolçudu. Fasilədən sonra 4-5 oyunçunu birdən meydana buraxıb, rotasiyalar etsəydi, daha məqsədəuyğun olardı. Hiss olunurdu ki, bu əvəzetmələr qələbəyə hesablanıb. Amma mən belə etməzdim. Buna gərək yox idi. Yoxlama görüşündə kimlərisə sınayırsansa, bir hissə əsas heyəti, ikinci yarıda digərlərini meydana buraxmaq lazımdı. Komandanın performansı və oyunçuların uyğunlaşması mənim üçün daha maraqlıdı".
İLKİN SULTANLI
