''Bura Türkiyədi, yoxsa İslandiya''
Türkiyə çempionatının 30-cu turunda ''Fatih Karagümrük'' öz meydanında ''Kayserispor''u Əmrə Morun het-triki sayəsində 3:0 hesabı ilə məğlub etdi.
Türkiyədə son günlər havalar çox soyuq keçir və bu oyun da güclü qar yağışı altında oynanıldı. ''Fatih Karagümrük''ün təcrübəli italiyalı qapıçısı Emiliano Viviano Türkiyədə havaların çox soyuq keçməsinə yumor hissi ilə yanaşaraq bunları deyib:
''Mən müqavilə imzalamışam ki, İslandiyada oynayım, yoxsa Türkiyədə? Zarafatı bir kənara qoysaq, oyunun gedişində çox soyuq olur. Hətta ötən tur indikindən də çox üşümüşdüm. Amma yığma fasiləsi ərəfəsində çox vacib qələbə qazandıq və əhval-ruhiyyəmiz yüksəkdi''. İsveçdə doğulan və 8 il bu yığmanın şərəfini qoruyan ''Fatih Karagümrük''ün 32 yaşlı təcrübəli futbolçusu Cimmi Durmaz isə bunları deyib: ''Türkiyədə çoxdandı belə soyuq hava görməmişdim. Sanki bu matçı Türkiyədə yox, İsveçdə keçirdik. Amma hədəfimizə çataraq 3 xal qazandıq''.
