Bazar ertəsi “Kristal Pelas”la səfər oyununda gözlənilmədən xal itirən (0:0) “Mançester Siti” premyer-liqada çempionluq yarışına intriqa qatdı.

İndiyə qədər mövsümdə belə gərginlik yaşanmamışdı. Beləliklə, turnir cədvəlinin önündə 29 oyunda 70 xal toplayan “Siti” qərarlaşıb, “Liverpul”un isə 28 oyundan sonra 66 xalı var (yazı dünənki “Arsenal” – “Liverpul” oyunundan əvvəl qələbə alınıb – red.). Deməli, “Liverpul” itirilməyən xallara görə liderdən yalnız 1 xal geri qalır.

Yürgen Kloppun komandası dünən “Arsenal”la ağır səfər oyununa çıxdı. Son 5 oyunda qələbə qazanan “topçular”ın məğlubiyyətsiz oyunlar seriyası 6-ya çatıb. Yeri gəlmişkən, onları sonuncu dəfə məhz Liqa kubokundan uzaqlaşdıran “Liverpul” məğlub edib. Mikel Artetanın komandası motivasiya sarıdan əziyyət çəkmir. “Arsenal”ın bu gün üçün əsas turnir vəzifəsi ÇL-ə vəsiqə qazandıran 4-cü yeri tutmaqdı.

Hələ yanvarın əvvəlində çoxları ehtiyatlanırdı ki, “Siti” problemsiz çempionluğa qovuşacaq. Onda Qvardiolanın komandasının 50, “Çelsi”nin 42, “Liverpul”un 41 (bir oyun da ehtiyatda) var idi. MS-nin əzəməti fonunda 9 xallıq gerilik az qala dəfedilməz maneə kimi görünürdü.

“Siti” bu gün də pis oynamır, sadəcə, münasib olmayan rəqiblərlə oyunlarda xal itirir:

• 22 yanvar – “Sauthempton”la 1:1. Qvardiola mövsümdə ən yaxşı oyunlarından birini keçirdiklərini desə də, “Siti” ləngər vururdu, xüsusən də məğlubiyyətlə bitən ilk yarıda. 2-ci yarıda komandanın ənənəvi dominantlığını görsək də, qələbə qazanmaq mümkün olmadı. Elə ilk dövrədə olduğu kimi – “müqəddəslər”lə həmin oyun 0:0 bitmişdi.

• 19 fevral – “Tottenhem”lə 2:3. “Siti”nin komandası üçün bu mövsümün zəhəri – Kontenin komandası “şəhərlilər”i premyer-liqada iki dəfə məğlub edib (1-ci dövrədə 1:0). 2-ci məğlubiyyət daha dramatik alındı: Mahrez 90+2-ci dəqiqədə penalti ilə hesabı bərabərləşdirdi, amma Keyn 90+5-ci dəqiqədə “Siti”ni 1 xaldan da məhrum etdi.

• 14 mart – “Kristal Pelas”la 0:0. Zərbə sayında 18:4-lük, topa nəzarət faizində 74-26-lıq üstünlük, ancaq yenə də 3 xal yoxdu. Və yenə çox qeyri-münasib rəqiblə oyunda: “Pelas” 1-ci dövrədə 2:0 hesabıyla qalib gəlmişdi.

Yeri gəlmişkən, oyunboyu bir dəyişikliyə də əl atmayan Qvardiola oyundan sonra qərarını belə izah etdi: “Uşaqlar meydanda yaxşı görünürdü, oyun ritmi yüksək idi, bu üzdən dəyişiklik istəmədim”. Pepin premyer-liqada 5 dəyişikliyə icazə verilməsi ilə bağlı ideyanın qızğın tərəfdarlarından olduğunu nəzərə alsaq, belə izahat ən azı ironik görünür.
Ümumiyyətlə, “Pelas” ortabablar arasında olan və Pep üçün başağrısına çevrilən əsas komandadı. MS bu komanda ilə 12 oyunun 5-də qələbəsiz qalıb. Yalnız “Yunayted” (6), “Tottenhem” (7) və “Liverpul” (7) Qvardiolanın “şəhərlilər”indən daha çox oyunda xal alıb.

Belə düşünənlər var idi ki, Afrika Millətlər Kuboku “Liverpul”u 1-ci yer uğrunda mübarizədən uzaqlaşdıracaq. Axı komanda Salah, Mane və Keytanın xidmətindən məhrum idi. Ancaq sanki çətinliklər “qırmızılar”ı bir qədər də möhkəmlətdi. Kloppun komandasının “Çelsi” ilə oyunda qələbəni çox acınacaqlı şəkildə əldən verdiyi (2:0 2:2-yə çevrildi) gündən – yanvarın 2-dən bəri olan statistika:

• bütün turnirlərdə 14 qələbə. 
• Liqa kubokunun qazanılması, Çempionlar Liqasının və İngiltərə kubokunun 1/4 finalına vəsiqə. Komanda 3 cəbhədə fədakarcasına döyüşür.
• Yalnız bir məğlubiyyət – ÇL-in 1/8 final mərhələsinin cavab oyununda “İnter”ə.
Hələ “Liverpul” liderdən 6 xal geri qalanda Pep bu təqib prosesini belə şərh etmişdi: