Roman Abramoviçə və onun sahibi olduğu “Çelsi”yə qarşı çoxsaylı sanksiyalar tətbiq olunmasına görə komandanın mövsümü yarımçıq dayandırmaq ehtimalı vardı.

Lakin artıq bu ehtimal aradan qalxıb. Başqa sözlə, sanksiyalara baxmayaraq, komanda mövsümü başa vura biləcək. Bu haqda “The Telegraph” qəzeti məlumat yayıb. Abramoviçə tətbiq edilən sanksiyalara görə kluba transfer və bilet satışı qadağası qoyulmasına baxmayaraq, London klubu mövsümü sona çatdırmaq üçün kifayət qədər büdcəyə malikdi. “Çelsi”nin idarə heyətinin sədri Brüs Bak premyer-liqa klublarının nümayəndələrinin iştirakıyla keçən iclasda klubun bunun üçün yetərincə vəsaitinin olduğunu bildirib.