Bəs, Bəhlul hazırda hardadı? Səhhəti nə dərəcədə yaxşılaşıb? Yaşıl meydanlara qayıdacağı tarix müəyyənləşibmi?
Bu suallarla futbolçunun atası Ələmdar Mustafayevə müraciət etdik. Onun "Football-plus.az"a cavabı:
"Bəhlul Bakıdadı. Müalicə prosesi davam edir. Özünü istər psixoloji, istərsə də fiziki baxımdan yaxşı hiss edir. Yaşıl meydanlara qayıtmağa can atır. Artıq fərdi məşqlərə başlayıb. Bir-iki həftə sonra komanda ilə birgə məşqlərə də qoşulacaq. Komanda yoldaşları ilə mütəmadi əlaqə saxlayır. Kəsəsi, hər şey yaxşıdı. Sadəcə, bir qədər vaxt lazımdı".
Xatırladaq ki, Bəhlul Çempionlar Liqasının pley-off mərhələsi çərçivəsində keçirilən “Qarabağ” – “Nyukasl” oyununun 22-ci dəqiqəsində sıradan çıxmışdı.
KƏNAN BAHADIR
