Alkaras daha bir turniri buraxacaq

Dünyanın iki nömrəli tennisçisi Karlos Alkaras Monrealda keçiriləcək “Masters” seriyalı turnirdə iştirak etməyəcək. 23 yaşlı ispaniyalı tennisçi zədə üzündən “Rolan Qarros” və “Uimbldon” turnirlərini də buraxıb.

"Football-plus.az" xəbər verir ki, Monreal turniri avqustun 2-13-ü aralığında keçiriləcək. Onun son qalibi amerikalı Ben Şeltondu.

Alkaras ATP turnirlərində fərdi yarışlarda 26 titul qazanıb. Bundan başqa, 7 dəfə də “Böyük dəbilqə” turnirlərində qalib gəlib – “US Open”, “Uimbldon” və “Rolan Qarros” turnirlərinin hər birində iki, “Australian Open”də bir dəfə.