Duran “Seltik”in təlim-məşq toplanışına qatıldı! – o, “Qarabağ”a nə qədər qazandıracaq?

“Qarabağ”ın futbolçusu Kamilo Duranın düşərgədən ayrıldığını, “Seltik”lə müqavilə imzalamaq üzrə olduğunu yazmışdıq. Artıq kolumbiyalının adının ağdamlıların Avropa Liqası üçün iştirak ərizəsindən çıxarıldığını nəzərə alsaq, transfer baş tutub.

Bəs, cari durum hazırda nə yerdədi? Şotlandiya çempionu oyunçunun transfer xəbərini nə vaxt yayacaq?

“Football-plus.az” “Crypto Briefing” nəşrinə istinadla xəbər verir ki, Duran artıq “Seltik”in düşərgəsindədi. Futbolçu kollektivin Portuqaliyada keçirilən təlim-məşq toplanışına qatılıb. “The Sun” nəşri isə razılığın klub tərəfindən açıqlanmasının an məsələsi olduğunu yazıb.

İddialara görə, “Qarabağ” bu transferdən ilkin ödəniş olaraq 5,5 milyon funt sterlinq qazanacaq. Əlavə ödəmələrlə bu rəqəm 6 milyon funt sterlinqə çatacaq.

Maraq üçün qeyd edək ki, Duranın transferi Azərbaycan futbol tarixinin ən bahalı satışı olacaq.

KƏNAN BAHADIR