"Araz-Naxçıvan" futzal üzrə Çempionlar Liqasında mübarizəyə əsas mərhələdən başlayacaq.

"Football-plus.az" xəbər verir ki, ümumilikdə 52 assosiasiyanı təmsil edən 56 klub qalib adı uğrunda yarışacaq.

Son qalib "Sportinq" (Portuqaliya) daxil olmaqla 24 iştirakçı əsas mərhələdən Çempionlar Liqasına start verəcək. Reytinq cədvəlinin 21-ci pilləsində yer alan "Araz-Naxçıvan" B yolunda yarışacaq. Reqlamentə görə, reytin cədvəlinin 12-15 və 20-23-cü pillələrində 8 komandaya ilkin mərhələdə qrup qalibi olacaq 8 klub da qoşulacaq. Buradan yalnız bir komanda – qrup qalibi 1/8 finala vəsiqə qazanacaq.

"Araz-Naxçıvan" 2-ci səbətdə yer alıb. Bu isə o deməkdi ki, təmsilçimiz "L84 Torino", "Differdanje 03" və "Atletik" (Ukrayna) ilə rəqib ola bilməyəcək. "Araz-Naxçıvan"ın yer aldığı qrupun oyunları Polşa və ya Serbiyada təşkil olunacaq. Əsas mərhələnin oyunları oktyabrın 27-də noyabrın 1-dək keçiriləcək.

Çempionlar Liqası
B yolu
6-cı səbət, ev sahibi komandalar
"Pyast" (qrupunun birincisi)
"Lozniça-Qrad 2018" (qrupunun birincisi)
"L84 Torino" (qrupunun ikincisi)
"Differdange 03" (qrupunun ikincisi)

7-ci səbət, qrupunun birinciləri
"Kaunas Jalqiris" (Litva)
"Luxol St. Andreus" (Malta)

8-ci səbət, qrupunun ikinciləri
"Araz-Naxçıvan" (Azərbaycan)
"Atletik" (Ukrayna)

9-cu səbət qruplarının üçüncü və dördüncüləri
İlkin mərhələ, A qrupunun qalibi
İlkin mərhələ, B qrupunun qalibi
İlkin mərhələ, C qrupunun qalibi
İlkin mərhələ, D qrupunun qalibi
İlkin mərhələ, E qrupunun qalibi
İlkin mərhələ, F qrupunun qalibi
İlkin mərhələ, G qrupunun qalibi
İlkin mərhələ, H qrupunun qalibi

UEFA İcraiyyə Komitəsinin qərarına əsasən, Ermənistan – Azərbaycan, Kosovo – Bosniya və Herseqovina, Kosovo – Serbiya, Ukrayna – Belarus təmsilçiləri bir-biri ilə qarşılaşa bilməz.